為咗配合呢個 post，我哋就去超市試咗一次拍咗段片。第一次拍片剪片做後期，好好玩！大家鐘意睇我哋啲 post 嘅話，睇完段片俾個 like 同 comment 支持吓，俾啲動力我哋啦 😊😆
瑞典同好多歐洲國家一樣，積極推行鋁罐膠樽回收。只要喺飲品瓶罐見到有「 Pant 1kr」（容量一公升以上嘅會寫 2kr）就代表可回收及回收後可得到金額。
無論喺餐廳食飯，或者去便利店超市買嘢飲，都可以留起個樽帶走回收。可以支持環保，又可以有購物現金卷用，一舉幾得呢！不過記得喺離開瑞典邊境前就要回收喇。因為喺瑞典購買嘅瓶罐去到其他歐洲國家，佢哋嘅回收機係唔受理㗎，反之亦然。
題外話，大街同車站附近周不時會有拾荒者翻垃圾桶搵鋁罐，有啲甚至會主動問拎住罐裝飲品嘅途人㖭。據我哋所見，擰擰頭拒絕佢哋就會識趣行開，唔使俾佢哋嚇親㗎。
Search